सुनसरी सिंचाई विभागको सहयोगमा तनमुना गाविसका किसानहरुले दुहवी–इनरुवा सडक खण्डमा पर्ने ट्यांग्रा खोलाको कुलोलाई बाधा पुर्‍याएको ह्युमपाइपलाई गहिराएर सिंचाईको व्यवस्था गर्ने भएको छ । ह्युमपाइप कुलो बगेको ठाउँभन्दा माथि हुनाले पानीको निकास हुन सकिरहेको छैन ।

यान्त्रीकृत धान रोप्ने मेसिन अर्थात् प्याडी ट्रान्सप्लाण्टरको सुनसरीको तनमुना गाविस तथा यस वरिपरी करिब ३० बिगहामा सफलसँग परीक्षण गरिएको छ । रोपाई SRI विधिअन्तर्गत भइरहेको छ, जसअनुसार परम्परागत शैलीभन्दा ३५ प्रतिशतले उत्पादन वृद्धि हुने किसान तथा कृषि विज्ञहरुको रहेको छ । खेतमा पनि त्यस्तै त्यस्तै लक्षण देखिन थालिएको छ ।

नेपालमा कृषि क्षेत्रको  विकास गर्न  र यसलाई आधुनिकीकरण तर्फ उन्मुख  गर्न स्थानीय, निजी तथा सरकारी क्षेत्रहरुबाट के के गर्न सकिन्छ ?

मेरो घर छिटाहा गाविस हो र म सम्झना कृषि सहकारी तनमुनासग आबद्ध छु | यो पल्ट नेपाल कृषि कम्पनीले अहिले सम्म नदेखेको प्रविधि भित्र्यायो, जुन थियो धान बेर्ना तयार पार्ने मेसिन | यो प्रविधि निकै सरल र कम समयमा धेरै बीउ उत्पादन गर्ने प्रविधिको रुपमा मैले पाए | यसरि तयार पारिएको बेर्नाको बृधि र बिकास राम्रो छ र १०-१२ दिनमै रोप्न सकिन्छ | यो वर्ष मैले पनि १ बिघा जमिनमा यहि प्रविधिबाट तयार गरिएको बेर्ना धान रोप्ने मेसिन द्वारा लगाएको छु |